पार्टी एकता गरेर गल्ती गरेका थिएनौं : दाहाल

काठमाडौं– नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टी एकता गरेर आफूहरुले गल्ती नगरेको स्मरण गर्नुभएको छ ।

पार्टीको आठौं राष्ट्रिय महाधिवेशन उदघाटन समारोहलाई सम्बोधन गर्दै अध्यक्ष दाहालले एमाले महासचिव शंकर पोखरेलको भनाइसँग सहमति जनाउँदै पार्टी एकता गरेर आफूहरुले गल्ती नगरेको बताउनुभएको हो । पोखरेलले पार्टी एकता गरेर आफूहरुले गल्ती नगरेको बताउनुभएको थियो । दाहालले एमालेबाट पनि त्यही समीक्षा हुने विश्वास व्यक्त गर्नुभयो । ‘पार्टी एकता गरेर गल्ती गरेका थिएनौं, फेरि आत्मसमीक्षा गरौं,’ उहाँको भनाइ थियो, ‘के कारणले फरक ठाउँमा पुग्यौं, के कारणले अलग भयौं चिन्तन मनन गरौं ।’

दाहालले महाधिवेशनको राजनीतिक प्रतिवेदनमा आफूले आत्मसमीक्षा गरेको समेत उल्लेख गर्नुभयो । मैले आफू आफ्ना कमजोरी पनि राखेको छु ।

दाहालले प्रधानमन्त्री शेरबहादुर देउवाले शुभकामना दिँदै गर्दा ‘प्रचण्डबाटै परिवर्तनको नेतृत्व भएको’ भन्ने भनाइ महत्त्वपर्ण भएको उल्लेख गर्नुभयो ।