एमाले एक्लै चुनावमा जाने अध्यक्ष ओलीको भनाइ

काठमाडौं– नेकपा एमाले अध्यक्ष केपी ओलीले आगामी चुनावमा एक्लै प्रतिस्पर्धा गर्ने बताउनुभएको छ ।

पार्टीको जिल्ला अधिवेशनको भर्चुअलमार्फत संयुक्त रुपमा उद्घाटन गर्दै अध्यक्ष ओलीले एमालेसँग अहिले पनि जनमत बढी रहेकाले एकातिर अरु पार्टी र अर्कोतिर एमाले राख्दा पनि एमाले पनि शक्तिशाली रहेको बताउनुभयो ।

आगामी निर्वाचनमा एमाले एक्लै चुनौतीको सामना गर्न तयार रहेको उहाँको भनाइ छ ।

अध्यक्ष ओलीले एमाले अधिवेशनले पारित गरेका दस्तावेजले लिएको नीति र सिद्धान्तबारे अध्ययनबिना नै विभिन्न टिकाटिप्पणी भइरहेको बताउनुभयो ।