दाङमा बस दुर्घटना, ९ यात्रु घाइते

दाङ- दाङमा बस दुर्घटना भएको छ । बिरगंजदेखि सुर्खेत जाँदै गरेको ना ५ ख २०६ नम्बरको बस आज बिहान राप्ती गाउँपालिका-५ दोलहीखोला नजिक दुर्घटना भएको हो । दुर्घटनामा परेर ९ जना यात्रु घाइते भएको इलाका प्रहरी कार्यालय भालुबाङ्गले जनाएको छ ।

बसमा २० यात्रु सवार थिए । घाइतेहरुको लमहीमा प्राथमिक उपचारपछि नेपालगन्ज पठाइएको छ । तीब्र गतिका कारण अनियन्त्रित भएर बस दुर्घटनामा परेको प्रहरीले बताएको छ ।-