स्याङ्गजामा डायलाइसिस सेन्टर सञ्चालनमा

स्याङ्जा- रोटरी क्लव अफ वालिङको पहलमा स्याङ्जाको वालिङस्थित भकुण्डेमा निशुल्क डायलाइसिस सेन्टर सञ्चालनमा आएको छ । झण्डै ६ करोडको लागतमा निर्माण गरिएको उक्त सेन्टरबाट स्याङ्जासहित छिमेकी जिल्ला पाल्पा र दक्षिण पर्वतका मृगौला पिडीतहरुले उपचार पाउने छन । वालिङ सामुदायिक डायलाइसिस सेन्टरले ८ वटा डायलाइसिस मेशिन संचालनसँगै आफ्नो नियमित सेवा शुभारम्भ गरेको हो ।

मृगौला रोगीहरुको संख्या दिनानुदिन बढ्न थालेपछि स्याङ्जाको वालिङमा निशुल्क डायलाइसिस सेन्टर सञ्चालनमा ल्यािइएको छ । रोटरी क्लब अफ वालिङको पहल तथा गौतम बुद्ध सामुदायिक मुटु अस्पतालको सहकार्यमा सेन्टर सञ्चालनमा ल्याएको हो ।

एक भेन्टिलेटरसहित ८ वटा डायलाईसिस मेशिन जडान गर्न करिव ५ करोड ५० लाख रोटरी ईन्टरनेसनलले खर्च गरेको रोटरी क्लब अफ वालिङका पूर्व अध्यक्ष राजेन्द्र डुम्रेले बताउनुभयो ।

यो सेवा संचालनमा आएसँगै पोखरा पाल्पा जानुपर्ने समस्याको अन्त्य हुने भएको छ । आफ्नै गाउँघरमा डायलाइसिस सेवा पाएपछि विरामीले रहात महशुष गरेका छन् ।

मृगौला रोगीलाई उपचार गर्न , बचाउँन र सचेत गराउन यस सेन्टरले उल्लेखिय भूमिका खेल्ने प्रतिनिधि सभा सदस्य पद्मा कुमारी अर्यालको भनाई छ ।

अहिले वालिङ आसपासका क्षेत्रमा मात्र नियमित डायलाइसिस गर्नेको संख्या करिव १५० नाघेको तथ्याङ्क वालिङ नगरभित्र रहेको नगरप्रमुख दिलीप प्रताप खाँडको भनाई छ ।

वालिङ सामुदायिक डायलाइसिस सेन्टरमा मासिक ५०० जनाले निशुल्क मृगौलाको परीक्षण गर्न पाउनेछन् । यो सेवाले मृगौला रोगको रोकथाम मात्र होइन आर्थिक अभावले उपचार नपाएका बिरामीले समेत रहात पाउने भएका छन् ।।