घाइते महिलाको ८ लाख खर्च गरी हेलिकोप्टर चार्टरबाट उद्वार

हुम्ला- घरको छतबाट लडेर घाइते भएकी एक महिलाको हेलिकप्टर चार्टर गरी उद्वार गरिएको छ ।

गाईवस्तुलाई घाँस लिन घरको छतमा गएकी नाम्खा गाउँपालिका-५ मुच तुम्कोटकी ५५ वर्षीया छिरिङ तामाङ सख्त घाइते हुनुभएको थियो ।

तीनदेखि उपचार नपाएर छटपटाएकी तामाङलाई फिस्टेल एयरको हेलिकप्टरबाट काठमाडौं ल्याइएको हो। महँगो रकम तिरेर नाम्खा गाउँपालिका- ५ मुचु तुमकोटबाट उपचार काठमाडौं लगिएको उहाँका श्रीमान तन्जन तामाङले जानकारी दिनुभयो ।

घाँस लिन घरको छतबाट खसेर ढाडको हड्डी भाँचिएको उहाँका श्रीमान तन्जनले बताउनुभयो ।
काठमाडौं उपचार गर्न हेलिकप्टर भाडा आठ लाखमा उद्वार भएको जनाइएको छ ।।