२४०१ जनामा कोरोना सङ्क्रमण पुष्टि

काठमाडौं- पछिल्लो २४ घण्टामा २४०१ जनामा कोरोना सङ्क्रमण पुष्टि भएको छ ।

कुल १६ हजार ३५६ जनामा परीक्षण गर्दा पीसीआर र एन्टीजेन गरेर २४०१ जनामा सङ्क्रमण पुष्टि भएको हो । सोही अवधिमा सात हजार ७७७ जना सङ्क्रमण मुक्त भएका छन् ।

मन्त्रालयका अनुसार २४ घण्टामा १४ जनाको मृत्यु भएको छ । योसँगै मुलुकमा कोरोनाबाट मृत्यु हुनेको सङ्ख्या ११ हजार ८५२ पुगेको छ ।

पछिल्लो २४ घण्टामा मुलुकमा दुई लाख ४६ हजार ७८३ जनाले कोरोनाविरुद्धको खोप लगाएका छन् । त्यस्तै, नेपालमा हाल ३० हजार २४१ जना सक्रिय सङ्क्रमित छन् ।