एमालेले बोलायो संसदीय दलको बैठक

काठमाडौं– प्रमुख प्रतिपक्षी दल नेकपा एमालेको संसदीय दलको बैठक बुधबार दिउँसो ३ बजे बस्दैछ ।

नयाँ बानेश्वरस्थित संसद भवनको ल्होत्से हलमा संसदीय दलको बैठक बस्न लागिएको एमालेका प्रमुख सचेतक विशाल भट्टराईले जानकारी दिनुभयो ।

सरकारले मंगलबार संघीय संसदको दुवै अधिवेशन अन्त्य गरिसकेको छ ।

एमाले बैठकमा समसामायिक राजनीतिक विषयमा छलफल हुने जनाइएको छ ।