देशभर ८२ जनामा कोरोना भाइरसको संक्रमण पुष्टि

काठमाडौं- पछिल्लो २४ घण्टामा देशभर ८२ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयको नियमित प्रे व्रिफिङका क्रममा मन्त्रालयकी प्रवक्ता डा. संगीता मिश्रले पछिल्लो २४ घण्टामा गरिएको चार हजार ७९० पीसीआर र १३ सय ८५ जनाको एन्टीजेन दुबै परीक्षणका क्रममा ४१-४१ जनामा संक्रमण पुष्टि भएको हो ।

यसैगरी वितेको २४ घण्टामा कोरोनाकै कारण मृत्यू नभएको प्रवक्ता डा मिङले बताउनुभयो । पछिल्लो पटक कोरोना संक्रमणमुक्त हुनेको संख्या २१३ रहेको छ। हाल देशभर सक्रिय संक्रमितको संख्या चार हजार ५७४ रहेको पनि डा. मिश्रले जानकारी दिनुभयो।

पछिल्लो समय संक्रमण दर घट्दै गएको तर संक्रमण कम भए पनि जनस्वास्थ्यको मापदण्ड पालना गर्न मन्त्रालयले अनुरोध गरेको छ ।