४४ जनामा कोरोना सङ्क्रमण, एकको मृत्यु
काठमाडौं- पछिल्लो २४ घण्टामा ४४ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयले चार हजार ४९५ जनाको पीसीआर परीक्षण गर्दा ३५ जनामा सङ्क्रमण पुष्टि भएको हो । दुई हजार ९९ जनाको एन्टिजेन परीक्षण गर्दा नौ जनामा सङ्क्रमण देखिएको छ ।
२४ घण्टामा ४८१ जना सङ्क्रमण मुक्त भएका छन् ।
पछिल्लो २४ घण्टामा एक जना सङ्क्रमितको मृत्यु भएको मन्त्रालयले जनाएको छ ।
योसँगै सङ्क्रमणबाट मृत्यु हुनेको सङ्ख्या ११ हजार ९५१ पुगेको छ ।
अहिले देशभर २६ हजार ६८८ जना सक्रिय सङ्क्रमित छन् ।
२४ घण्टामा ७३ हजार ६४२ जनाले कोरोनाविरुद्धको खोप लगाएको मन्त्रालयले जनाएको छ ।
प्रतिक्रिया राख्नुहोस्