षष्टिका बस्नेत सूचनाको अधिकार पुरस्कार सम्पादक बुढाथोकीलाई

मोरङ– नेपाल पत्रकार महासंघ मोरङले षष्टिका बस्नेत सूचनाको अधिकार पुरस्कार– २०७८ टक्सार म्यागेजिनका प्रधान सम्पादक गजेन्द्र बुढाथोकीलाई प्रदान गर्ने भएको छ ।

महासंघ मोरङ शाखाको शनिबार बिहान बसेको बैठकले महासंघको स्थापना दिवसका अवसरमा आगामी चैत १६ गते बुढाथोकीलाई पुरस्कार प्रदान गर्ने सचिव नेत्र पी अधिकारीद्वारा जारी विज्ञप्तीमा उल्लेख छ । पुरस्कारको राशी ५० हजार ५१ रुपैयाँ रहेको छ ।

शाखाले षष्टिका बस्नेत सूचनाको अधिकार प्रोत्साहन पुरस्कार- २०७८ कान्तिपुर दैनिकका मोरङ संवाददाता देवनारायण साहलाई प्रदान गर्नेसमेत निर्णय गरेको छ । पुरस्कारको राशी १५ हजार ५१ रुपैयाँ रहेको छ ।