जापानका प्रधानमन्त्री आबेको हत्याप्रति ओलीद्वारा दुःख व्यक्त

काठमाडौं- नेकपा (एमाले)का अध्यक्ष केपी शर्मा ओलीले जापानका पूर्वप्रधानमन्त्री शिन्जो आबेको निधनप्रति दुःख व्यक्त गर्नुभएको छ । उहाँले ट्विटमार्फत आबेको हत्याको भर्त्सना गर्दै निधनप्रति दुःख व्यक्त गर्नुभएको हो ।

उहाँले ट्विटरमा भन्नुभएको छ, “जापानका पूर्वप्रधानमन्त्री आबेको जघन्य हत्याको म घोर भर्त्सना गर्दछु । उहाँ नेपालको असल मित्र हुनुहुन्थ्यो र उहाँले प्रधानमन्त्री हुँदा नेपाल–जापान सम्बन्धलाई मजबुद बनाउन महत्वपूर्ण भूमिका खेल्नुभएको थियो ।” उहाँको आज बिहान गोली हानी हत्या भएको हो ।