राष्ट्रिय विभूति अमरसिंह थापाको शालिक अनावरण
गोरखा- गोरखामा राष्ट्रिय विभूति अमरसिंह थापाको शालिक अनावरण गरिएको छ ।
२०६ औँ जन्मजयन्तीको अवसर पारेर जन्मस्थान मानिएको सिरानचोक गाउँपालिका वडा नं ६ गाँखुमा सालिक अनावरण गरिएको स्थानीय नारायण दानीले जानकारी दिनुभयो ।
सोही कार्यक्रममा राष्ट्रिय विभूति अमरसिंह थापा र उनका पिता उमराव बाघ भीमसिंह थापाको पनि शालिक पनि अनावरण गरिएको छ । गोरखा अमरसिंह नगर पर्यटन समितिले अमरसिँह थापाको २०६ औँ जन्मजयन्ती समारोह आयोजना गरेको थियो ।
शालिक अनावरण पछि बोल्दै गाउँपालिका अध्यक्ष ज्ञानेन्द्र गुरुङले सो क्षेत्रको पर्यटन बिकासमा गाउँपालिकाले काम गर्ने बताउनु भयो ।
राष्ट्रिय विभूति अमरसिंह थापाले नेपाल राष्ट्र एकीकरण गर्न, विखण्डनबाट रोक्न महत्वपुर्ण भूमिका खेलेको भुमिकाको चर्चा गर्दै उहाँले शालिक राखिएको ठाउँमा पार्क बनाउने तयारी भइरहेका समेत बताउनुभयो ।
आधुनिक नेपाल निर्माणका लागि पूर्वमा टिष्टा र पश्चिममा काँगडासम्म सीमा र्पुयाउन नेपाली वीरवीरंगनाहरूको अथक प्रयास र योगदानले सम्भव भएकाले उनीहरु सम्मान गर्नु सबैको दायिव्य र कर्तव्य भएका बताएका थिए ।
पालिकाकबाट विनियोजित बजेटबाट अमरसिंह पार्क निर्माण गरिएको गोरखा अमरसिंह नगर पर्यटन समितिका अध्यक्ष हरि थापाले जानकारी दिनुभयो ।।
प्रतिक्रिया राख्नुहोस्