सप्तरीको तरहीमा आगलागी, लाखौंको क्षति (फोटो फिचर)

सप्तरी– सप्तरीको डाक्नेश्वरी नगरपालिका वडा नम्वर ३ तरहीमा मंगलबार मध्यराति आगलागी भएको छ ।

स्थानीय कुलदेव रायको गोठमा बालिएको (घुर)बाट राति ११ : ३० बजे सुरु भएको आगलागीबाट त्यहाँका ८ परिवारका घरगोठ जलेर नष्ट भएको वडाध्यक्ष भागेश्वर यादवले जानकारी दिनुभयो ।

आगलागीमा बौसदेव साद, सुन्दर सदा, राम सुन्दर सदा, बिहारी सदा, कैलु सदा, गौतम सदा र भिखारी सदाको घर जलेर नष्ट भएको प्रहरी चौकी तरहीका ईन्चार्ज मनिष ठाकुरले जानकारी दिनुभयो । आगलागीमा घरमा रहेको खाद्यान, लताकपडा, भाडा वर्तन, सुन, चाँन्दी, नगद लागतयको सामग्रीहरु जलेर नष्ट भएका छन् ।

वडाध्यक्ष यादवका अनुसार स्थानीय कुलदेव रायको गोठमा आगलागी हुँदा उहाँकै एक गोरु र ५ बटा बाख्रा निसासिएर मरेको छन् । त्यस्तै एउटा गोरु आगलागीमा परि घाइते भएका छन् ।

रातिको समयमा सबै जना सुतेको बेला आगलागी भएका कारण घरमा रहेका कुनै पनि सरसामान कसैले निकाल्न सकेनन् । आगलागी नेपाल प्रहरी र स्थानीयबासीको सहयोगमा ३ बजे आगलागी नियन्त्रणमा आएको वडाध्यक्ष यादवले बताउनुभयो ।

आगलागीले झण्डै १४ लाख मूल्य बराबरको क्षति भएको प्रारम्भिक अनुमान गरिएको सप्तरी प्रहरीका प्रवक्ता एवं डीएसपी माधवप्रसाद काफ्लेले जानकारी दिनुभयो ।