सिट बाँडफाँड आजै टुङगिन्छ : दाहाल

कास्की– नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले सत्ता गठबन्धनका दलहरु बीच आगामी प्रतिनिधि तथा प्रदेशसभा निर्वाचनका सम्बन्धमा सिट बाँडफाँडमा आजै सहमति हुने बताउनुभएको छ ।

पार्टी निकट प्रेस सेन्टर कास्कीले आज पोखरामा गरेको पत्रकार सम्मेलनमा धारणा राख्दै अध्यक्ष प्रचण्डले सबै दलको सम्मान हुने गरी सिट बाँडफाँड टुङगाइने स्पष्ट पार्नुभयो ।

उहाँले मंसिर ४ को तयारी र पर्खाईमा आम जनता रहेको भन्दै निर्वाचन केन्द्रित भई गतिविधि गर्न नेता कार्यकर्तालाई निर्देशन समेत दिनुभयो ।

गठबन्धनको मर्म अझै बाँकी रहेकाले यसलाई कायम राखि राखिने उहाँले स्पष्ट पार्नुभयो ।