धादिङमा दुई जनाको मृत्यु
धादिङ– धादिङबेसी सल्यानटार सडक खण्डमा आज ट्रक दुर्घटना हुँदा दुई जनाको मृत्यु हुनुकासाथै आठ जना घाइते भएका छन् ।
मृत्यु हुनेहरुमा ट्रकमा सवार कपिलवस्तुको तौलिहवा निवासी अन्दाजी वर्ष ३५ को इन्द्रजित पासी र २५ वर्षीय सइम अन्सारी रहेको धादिङ प्रहरीले जनाएको छ ।
धादिङको नीलकण्ठ नगरपालिका–१० हनुमानडाँडा नजिकै कपिलवस्तुबाट धादिङबेँसी हुँदै सल्यानटार जाँदै गरेको ना४ख ८०४१ नम्बरको ट्रक सडकमा पल्टिएर दुर्घटना भएको जिल्ला प्रहरी कार्यालयका प्रहरी नायब उपरीक्षक श्यामबहादुर खत्रीले बताउनुभयो ।
सल्यानटारमा यही असोज २८ गतेदेखि हुने स्थानीय महोत्सवका लागि स्टलको सामान लिएर जाँदै गरेको ट्रक मोडमा पल्टेको थियो ।
प्रतिक्रिया राख्नुहोस्