माेटरसाइकल दुर्घटनामा दुई जनाकाे मृत्यु

कञ्चनपुर-  कञ्चनपुरमा मोटरसाइकल दुर्घटना हुँदा दुई जनाको मृत्यु भएको छ ।

जिल्लाको पुनर्वास नगरपालिका-११ अमरबस्तीमा से ७ प ४७६५ नम्बरको मोटर साइकल बिजुलीको पोलसँग ठोक्किँदा दुर्घटनामा परेको हो ।

पुनर्वास नगरपालिका- ९ बाट डोकेबजार जानेक्रममा मोटरसाइकल दुर्घटना हुँदा मोटरसाइकल चालक धनगढी उपमहानगरपालिका वडा नम्बर-३ चटकपुरका गुद्धु राना र पछाडि बसेका पुनर्वास- १० का विशाल रानाको मृत्यु भएको इलाका प्रहरी कार्यालय त्रिभुवन बस्तीका कार्यालय प्रमुख प्रहरी निरिक्षक नरेश राज मल्लले जानकारी दिए ।

 बुधबार राती साढे १० बजेतिर सो मोटर साइकल दुर्घटनामा परेको हो । मोटर साइकल बिजुलीको पोलमा ठोक्किँदा पोल समेत भाँचिएको छ । मोटर साइकल तीव्र गतिमा रहेको थियो ।।