चन्द्रागिरिमा पहिरोले पुरिँदा एकै परिवारका तीन जनाको मृत्यु

काठमाडौं– काठमाडौंको चन्द्रागिरिमा पहिरोले पुरिँदा एकै परिवारका तीन जनाको मृत्यु भएको छ।

चन्द्रागिरि नगरपालिका २ तल्लो मसिनेस्थित ध्यानकेन्द्र शुक्रबार बिहान साढे एक बजे पहिरोले बगाउँदा तीन जनाको मृत्यु भएको जिल्ला प्रहरी परिसर काठमाडौंका प्रवक्ता एसपी दिनेशराज मैनालीले जानकारी दिनुभयो।

पहिरोले घर पुरिँदा काभ्रे धुलिखेल नगरपालिका १२ घर भई ध्यानकेन्द्र बस्ने ५२ वर्षीय राजु श्रेष्ठ, उनकी श्रीमती ४५ वर्षीया रेखा र डेढ वर्षीया छोरी सारफी रहेको प्रहरीले जनाएको छ ।

उनीहरूको शव बिहान ६ बजे निकालिएको छ ।