कमल थापाको मनोनयन दर्ता

हेटौंडा– नेकपा एमालेको साथ पाउनुभएका राप्रपा नेपालका अध्यक्ष कमल थापाले आफ्नो उम्मेदवारी दर्ता गराउनुभएको छ उहाँले मकवानपुर क्षेत्र नम्बर १ बाट प्रतिनिधिसभा सदस्यमा आफ्नो उम्मेदवारी दर्ता गराउनुभयो ।

अन्तिम समयमा एमालेका उम्मेदवार रामेश्वर रानालाई ब्याक गराउँदै सूर्य चिन्हबाट चुनाव लड्न उहाँले टिकट ल्याउनुभएको थियो । थापा सोही क्षेत्रमा २०७४ मा सम्पन्न प्रतिनिधिसभा सदस्य निर्वाचनमा एमालेका कृष्ण प्रसाद दाहालसँग पराजित हुनुभएको थियो ।

यता थापाले टिकट पाएको विरोधमा एमाले कार्यकर्ताले हेटौंडा ५ स्थित एमाले मकवानपुरको कार्यालयमा तालाबन्दी गरेका छन्।

थापा भाइ गणेश थापा सहित राप्रपा नेपालका कार्यकर्तासँग सोमबार १ बजे नेकपा एमालेको सूर्य चिन्हबाट चुनाव लड्न आफ्नो उम्मेदवारी दर्ता गराउन मुख्य निर्वाचन अधिकृतको कार्यालय पुग्नुभएको थियो ।