नेपाली काङ्ग्रेसका केन्द्रीय उपसभापति गुरुङ मनोनयन

स्याङजा- नेपाल नेपाली काङ्ग्रेसका उपसभापति धनराज गुरुङ प्रतिनिधिसभा निर्वाचनका लागि स्याङ्जा क्षेत्र नं २ बाट मनोनयन दर्ता गर्नुभएको छ ।

स्याङ्जाको वालिङ नगरपालिकामा रहेको निर्वाचन अधिकृतको कार्यालयमा पुगेर आइतबार दिउँसो उम्मेदवारी दर्ता गराएको हो। उम्मेदवारी दर्तापछि पत्रकारसँग कुरा गर्दै उहाँले स्याङ्जाको विकासका आयोजना पूरा गर्न र नयाँ आयोजना सुरु गर्न उम्मेदवारी दिएको बताउनुभयो ।

उहाँले मुलुकमा मौलाएको भ्रष्टाचार अन्तय गर्नका लागि जनताले आफूलाई साथ दिने विश्वास व्यक्त गर्नुभयो ।यो क्षेत्रबाट गुरुङ पहिले समानुपातिक सांसद हुनुहुन्थ्यो भन्ने प्रतक्षे तर्फ पहिलो पटक निर्वाचनमा लड्दै हुनुहुन्छ ।

यो क्षेत्रमा प्रदेशतर्फ भोजराज अर्याल र महेश भट्टराई उम्मेदवारी दिनुभएको छ ।