सुख्खा पहिरो जाँदा जयपृथ्वी राजमार्ग अवरुद्ध

बझाङ- सडक माथिबाट खसेको सुख्खा पहिरोले जयपृथ्वी राजमार्ग आज बिहानैखेखि अवरुद्ध भएको छ । जयपृथ्वी राजमार्ग अन्तर्गत छबिसपाथिभेरा गाउँपालिका १ बालुवाटार (सुङ्गाल्ना) नजिकै सुख्खा पहिरो खस्दा यातायात सेवा अवरुद्ध भएको हो ।

पहिरोका कारण बझाङ सदरमुकाम चैनपुरसँगको सम्पर्क बिच्छेद भएको छ । बिहानैदेखि सदरमुकाम चैनपुरबाट छुटेका यात्रुबाहक बस, मालबाहक ट्रक र जीपहरु रोकिएको प्रहरीले जनाएको छ ।

अवरुद्ध सडक खुलाउन पहल भइरहेको प्रमुख जिल्ला अधिकारी बाबुराम अर्यालले जानकारी दिनुभयो । सडक डिभिजन कार्यालय बैतडीको डोजर परिचालन गरि सडक खुलाउने अधिकारी अर्यालको भनाइ छ ।-