बाजुरामा कांग्रेसका पाण्डेको अग्रता कायमै

बाजुरा- प्रतिनिधिसभा सदस्य निर्वाचनमा नेपाली कांग्रेसका बद्री पाण्डेले ३२ सय भन्दा बढी मतले अग्रता कायम गर्नुभएको छ । बुधबार बेलुकाबाट सुरु भएको मतगणना अहिले पनि जारी छ ।

मुख्य निर्वाचन अधिकृतको कार्यालयका अनुसार ५१ हजार ८ सय १८ मतगणना गर्दा कांग्रेस उम्मेदवार पाण्डेले २६ हजार आठ सय ७४ मत प्राप्त गर्नुभएको छ । उहाँका निकटतम् प्रतिद्वन्द्वी नेकपा एमालेका उम्मेदवार कर्णबहादुर थापाले २३ हजार पाँच सय ८० मत प्राप्त गर्नुभएको छ ।

त्यसैगरी राप्रपाका जंग कुमार गिरीले १ सय ६६ मत ल्याएर तेस्रो स्थानमा हुनुहुन्छ भने स्वतन्त्र उम्मेदवा टेक बहादुर बडुवालले ९३ मत प्राप्त गर्नुभएको छ ।-