नेपाल टेलिभिजनका संवाददाता सम्मानित

धनकुटा- नेपाल टेलिभिजन धनकुटा संवाददाता ईश्वर थापालाई दशौँ भेडेटार फुड फेष्टिभलमा सम्मान गरिएको छ । पत्रकारिताको क्षेत्रबाट पूर्वको पर्यटकीयस्थल भेडेटारको प्रचारमा सहयोग गरिएको भन्दै होटल एसोसियसन अफ भेडेटारले नेपाल टेलिभिजन संवाददाता थापालाई नगद सहित सम्मान गरेको हो ।

थापालाई प्रदेश १ का सांसद निरन राई, साँगुरीगढी गाउँपालिकाका अध्यक्ष जितेन्द्र रुम्दाली राई, होटल एसोसिएसन अफ भेडेटारका कार्यबहाक अध्यक्ष शान्ति मादेन लिम्बूले संयुक्त रुपमा सम्मान पत्र र नगद हस्तान्तरण गर्नुभएको थियो ।

होटल एसोसियसन अफ भेडेटारले हरेक वर्ष हुने फुड फेष्टिभलमा पत्रकारितामा मार्फत भेडेटारको प्रचार गर्ने पत्रकारलाई पुरस्कार प्रदान गर्दै आएको छ ।-