लुम्बिनी प्रदेश सभा बैठक : प्रदेश सभा नियमावली पारित
दाङ- प्रदेश सभाको पहिलो बैठकले लुम्बिनी प्रदेश सभा नियमावली २०७९ पारित गरेको छ ।
जेष्ठ सदस्य डिल्लीराज भुसालले ‘लुम्बिनी प्रदेश सभा नियमावली, २०७९’पारित गरियोस् भनी प्रस्तुत गर्नुभउको प्रस्ताव सदनले पारित गरेको हो ।
यही नियमावलीको आधारमा प्रदेश सभाले आफ्ना गतिविधिहरु अघि बढाउने छ ।
यस अघि प्रदेश नम्बर ५ नियमावली- २०७४ थियो । तर, त्यो नियमावली ५० प्रतिशत भन्दा बढी संसोधन गर्नुपर्ने भएपछि नयाँ नियमावली बनाइएको प्रदेश सभा सचिव दुलर्भकुमार पुनले जानकारी दिनुभयो ।
‘सिकाइ र अनुभवका आधारमा नियमावली संसोधन गर्नुपर्ने भयो । पुरानो नियमावली संसोधन गर्दा ५० प्रतिशत भन्दा बढी गर्नुपर्ने देखिएपछि नयाँ बनाइएको हो, अब प्रदेश सभाको सबै गतिविधि यही नियमावलीको आधारमा हुन्छ’ पुनले भन्नुभयो ।
अर्काे बैठक माघ ३ गते
लुम्बिनी प्रदेश सभाको पहिलो अधिवेशनको तेस्रो बैठक माघ ३ गते बस्ने भएको छ ।
पहिलो अधिवेसनको दोस्रो बैठक सकिएपछी अध्यक्षता ग्रहण गर्नु भएका जेष्ठ सदस्य डिल्लीराज भुसालले तेस्रो बैठकको मिति माघ ३ गते तोक्नुभएको हो ।
अब सभामुख र उपसभामुख चयनको लागि प्रदेश सभामा बाटो खुलेको छ ।
पहिलो बैठक बसेको मितिले १५ दिन भित्र सभामुख र उपसभामुख चयन गर्नुपर्ने कानुनी व्यवस्था छ । सोही अन्तरगत राजनीतिक दलहरुको विचमा सहमतीको प्रयास गरिने र सम्भवतः आउदो बैठकले सभामुख चयन गर्ने प्रदेश सभा सचिव दुर्लभकुमार पुन मगरले जानकारी दिनुभयो ।।
प्रतिक्रिया राख्नुहोस्