यूएनआई नेपालको बोर्ड बैठक : कामको महत्व बुझाउन खबरदारी गरौँ
काठमाडौँ- नेपालमा औपचारिक र अनौपचारिक क्षेत्रमा काम गर्ने श्रमिकहरुको छाता संगठन यूएनआई नेपालले आफ्नो बोर्ड बैठक सम्पन्न गरेको छ ।
काठमाडौँमा सम्पन्न बैठकले नेपाली श्रमिकले पछिल्ला दिनहरुमा भोग्नुपरेका समस्याका बारेमा छलफल गरेको थियो ।
कोरोना महामारीपछि विभिन्न क्षेत्रका श्रमिकको रोजगारी गुमेको र अहिले पनि विभिन्न वहानामा मजदूरले पाएका दुख र अप्ठेरोलाई कसरी सुल्झाउन सकिन्छ भनेर बैठकमा गहन छलफल भएको थियो ।
बैठकमा यूएनआईसँग आवद्द २२ वटा युनियनका प्रतिनिधिहरुले आफ्ना संगठनले गरेका काम र भावी कार्यक्रमको बारेमा जानकारी गराएका थिए ।
बोर्ड बैठकमा प्रमुख अतिथि युनि-एप्रो (UNI APRO) का महासचिव राजेन्द्र आचार्यले विश्वको ट्रेड युनियन मुभमेण्टसँग नेपालका मिल्दाजुल्दा समस्या र समाधानको उपाएका बारेमा सुझाव दिनुभएको थियो ।
बैठकमा महासचिव आचार्यले सूचना र प्रविधिको युगमा श्रमिक संघ संगठनहरुले आफ्ना सदस्यहरुलाई एकतावद्द बनाइराख्न र सदस्यता बढाउन ‘डिजिटर अर्गनाइजिङ’ को अबधारणा विश्वभर प्रभावकारी भएको बताउनुभयो ।
कार्यक्रममा यूएनआई नेपालका अध्यक्ष शंकरप्रसाद लामिछानेले नेपालमा श्रमिकलाई अझै पनि हेप्ने गरेको उदाहरणहरु छन् भन्नुहुँदै कामलाई महत्व दिन काम लगाउने संस्था वा व्यक्तिलाई निरन्तर खवरदारीको आवश्यकता रहेको बताउनुभयो ।
श्रमिकहरुको विश्वव्यापी साझा संगठन युएनआई ग्लोबल युनियनसँग आवद्द नेपालस्थित यूएनआई नेपालसँग विभिन्न क्षेत्रमा कार्यरत श्रमिकहरुका २२ वटा संगठनहरु आवद्द छन।।
प्रतिक्रिया राख्नुहोस्