दार्चुलामा गर्भवतीको हेलिकप्टरबाट उद्दार

दार्चुला- दार्चुलाको अपिहिमाल गाउँपालिका-३ क्षेत्तीकी गर्भवती महिलाको उद्दार गरिएको छ । दुई दिनदेखि सुत्केरी ब्यथा लागेकी २३ वर्षीया सुरन्ती बोहराको राष्ट्रपति महिला उत्थान कार्यक्रमअन्तर्गत नेपाली सेनाको हेलिकप्टरबाट उद्दार गरिएको हो ।

शनिबार वडा नम्बर ३ पाथाको ब्रथिङ सेन्टरमा भर्ना भएकी बोहराले बच्चा जन्माउन नसकेपछि सोमबार वडा नम्बर ४ स्थित खण्डेश्वरी स्वास्थ्य चौकी लगिएको थियो ।

त्यहाँ पनि उपचार सम्भव नभएपछि सोमबार अपरान्ह हेलिकप्टरबाट कर्णाली प्रादेशिक अस्पताल कोहलपुर लगिएको जिल्ला प्रशासन कार्यालय दार्चुलाले जनाएको छ ।