चितवन-२ उपनिर्वाचन : दलहरुबाट १२ र स्वतन्त्र १२ जनाको उम्मेदवारी

चितवन- चितवन क्षेत्र नम्बर २ को उपनिर्वाचनको लागि आज मनोनयन पत्र दर्ता भएको छ ।

मसिर ४ गते भएको निर्वाचन बाट बिजयी हुनभएका राष्ट्रिय स्वतन्त्र पार्टीका रवि लामिछानेको सांसद पद खारेज भएपछि चितवनको क्षेत्र नम्बर २ मा उपनिर्वाचन हुन लागेको हो ।

मनोनयन पत्र दर्ता बिहान १० बजेदेखि ५ बजेसम्म भएको थियो ।

चितवन क्षेत्र नम्बर २ उपनिर्वाचनको लागि नेपाली काँग्रेसबाट जीतनारायण श्रेष्ठ नेकपा एमालेबाट रामप्रसाद न्यौपाने र राष्ट्रिय स्वतन्त्र पार्टी बाट रवि लामिछानेले उम्मेदवारी दर्ता गराउनु भएको छ ।

यहाँ नेपाली काँग्रेस, नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी लगाएत १२ दल र १२ वटा स्वतन्त्र उम्मेदवारी परेको छ ।

निर्वाचन क्षेत्र नम्बर २ मा १ लाख २४ हजार ६ सय ९५ मतदाताहरु रहेका छन् ।

उम्मेदवारी दर्ताका लागि बिभिन्न दलहरु पार्टीको झण्डा र चुनाब चिन्हसहित मुख्य निर्वाचन अधिकृतको कार्यलयमा पुगेका थिए ।

उम्मेदवारी दर्ता पछि उम्मेदवारहरुले जनताको चाहाना अनुसार आफुहरुले काम गर्ने प्रतिवद्दता व्यक्त गरेका छन ।।