सत्ता साझेदार दलहरुको बैठक : संक्रमणकालीन न्याय टुंग्याउने बारे छलफल

काठमाडौँ- सत्ता साझेदार पाँच दलका शीर्ष नेताहरुको आज बसेको बैठकमा संक्रमणकालीन न्याय (टीआरसी) सम्बन्धी विधेयकबारे छलफल भएको छ ।

आज प्रधानमन्त्री निवास बालुवाटारमा बसेको पाँच दलको बैठकमा टीआरसी सम्बन्धी विधेयकमा सहमति जुटाउने प्रयास स्वरुप छलफल अघि बढेको नेताहरुले जानकारी दिनुभएको छ ।

टीआरसी विधेयकमा सहमति जुटाउन प्रधानमन्त्री पुष्पकमल दाहाल प्रचण्डले सक्रियता बढाउनु भएको हो ।

यसअघि आज बिहान नेकपा एमालेका अध्यक्ष केपी शर्मा ओलीको निवास बालकोटमा प्रमुख तीन दलका शीर्ष नेताहरुबीच छलफल भएको थियो ।।