इलोन मस्कको कम्पनीले निर्माण गरेको अहिलेसम्मकै ठुलो रकेट पहिलो उडानमै विस्फोट

इलोन मस्कको स्पेसएक्स कम्पनीको विशाल नयाँ रकेट स्टारसिप आफ्नो पहिलो उडानमै विस्फोट भएको छ । पहिलो उडान मानवरहित भएका कारण विष्फोटबाट कोही पनि हताहती भएनन् ।

रकेट स्थानीय समय अनुसार बिहीबार विहान टेक्ससको पूर्वी तटबाट उडेको थियो । अहिलेसम्मकै सबैभन्दा ठूलो सो रकेट उडान भएको दुईदेखि तीन मिनेटमा नियन्त्रण बाहिर गई टुक्रा टुक्रा भएर खस्न थालेको थियो ।

विश्वकै सबैभन्दा ठूलो रकेट बनाएका मस्कले आफ्नो कम्पनीले केही महिना पछि पुनः अर्को रकेट बनाउने बताएका छन् । स्पेटएक्सका इन्जिनियरहरु हिजो विष्फोट भएको मिसनलाई असफल मान्न तयार छैनन् ।

उनीहरु प्रारम्भिक परीक्षण गर्न जहिले पनि मन पराउने र चिजहरु तोड्न डराउँदैनन् । पहिलो उडानका क्रममा संकलन भएको तथ्यांकले दोस्रो स्टारसिप उडान लिन तयार भएको इन्जिनियरहरुले बताएका छन् ।

स्पेसएक्स मालिक मस्कले ट्वीट गर्दै स्टारसिपको परीक्षण प्रक्षेपणका सहभागी टोलीलाई बधाई दिंदै अर्को प्रक्षेपणका लागि धेरै कुरा सिकिएको बताउनु भएको छ ।