सिरहाको मिर्चैयामा आज पनि तनाव

सिरहा- सिरहाको मिर्चैया सडक खण्डमा स्थानीयले राजमार्ग अबरुद्द बनाएका छन ।

नगर प्रमुख श्रवण यादवले गैरकानुनी कार्य गरेको भन्दै स्थानीयले विरोध गरेका हुन । स्थानीयको शान्तिपूर्ण आन्दोलनमा प्रहरीको दमन  भएको भन्दै महेन्द्र  राजमार्गमा उनीहरुले चक्काजाम गरेका हुन ।

बिहिवार मिर्चैया नगरपालिका घेराउ गर्न पुगेका स्थानीयवासी र प्रहरीबीच झडप हुँदा  सिरहाको मिर्चैया गुदरी बजार तनावग्रस्त बनेको थियो ।

प्रदर्शनकारीहरुले आफूहरूले उठाएका विषयको जवाफ मेयर श्रवणकुमार यादवले दिनुपर्ने माग गरी नगरपालिका कार्यालय अगाडि प्रदर्शन गरेका थिए । तर, मेयर यादव बाहिर नआएपछि प्रदर्शनकारी नगरपालिकाभित्र प्रवेश गर्न खोजेका थिए ।

प्रहरीले रोकेपछि स्थानीयले नगरपालिका कार्यालयमा ढुंगामुढा गर्न थालेपछि झडप भएको थियो ।।