तनहुँको बन्दिपुर-५ आँधीखोलामा ट्रक दुर्घटना, ३ जनाको मृत्यु, ५ जना घाइते

तनहुँ- पृथ्वी राजमार्ग सडक खण्ड अन्तर्गत तनहुँको बन्दिपुर गाउँपालिका–५ आँधीखोलामा ट्रक अनियन्त्रित भई पल्टिँदा तीन जनाको मृत्यु भएको छ ।

डुम्रेबाट मुग्लिनतर्फ जाँदै गरेको ना ४ ख १९७३ नम्बरको ट्रक अनियन्त्रित भई सडक छेउको घरमा ठोक्किँदा अरु ५ जना घाइते भएका जिल्ला प्रहरी कार्यालय तनहुँका प्रहरी नायव उपरिक्षक मोहन बहादुर खाँडले जानकारी दिनुभयो ।

मृत्यु हुने र घाइते सबै बन्दिपुर- १ का स्थानीय हुन् । मृत्यु हुनेमा १२ बर्षीय आयुष भुजेल, ५० बर्षीय चेतबहादुर घर्ती र ६९ बर्षीय सनबहादुर भुजेल रहेको डिएसपी खाँडले जानकारी दिनुभयो ।

उनीहरु तीनै जनाको चितवनस्थित पुरानो मेडिकल कलेज भरतपुरमा उपचारको क्रममा मृत्यु भएको प्रहरीले जनाएको छ ।

त्यस्तै अन्य घाइतेहरुमा बन्दीपुर-१ का ६ वर्षीय आयुसा भुजेल, दश बर्षीय जस्मिन भुजेल, १० बर्षीय ईश्वर भुजेल, ८ बर्षीय समिर भुजेल र ५ बर्षीय सन्तोष भुजेल रहेको जिल्ला प्रहरी कार्यालय तनहुँले जनाएको छ ।

उनीहरुको पनि पुरानो मेडिकल कलेजमा उपचार भइरहेको छ ।।