डा. ललितको ’तिमी र म’ सार्वजनिक (भिडियोसहित)

काठमाडौं- प्रा. डा. सुवासप्रसाद आचार्य र केकी अधिकारी अभिनय रहेको डा. ललितकुमार राजवंशीको नयाँ गित ’तिमी र म’ को म्युजिक भिडियो सार्वजनिक भएको छ ।

डा राजवंशीको शब्द संगित रहेको ‘तिमी र म’ बोलको गीतका गायक पनि डा राजवंशी आफैं हुनुहुन्छ ।

म्युजिक भिडियोमा त्रिवि शिक्षण अस्पतालको क्रिटिकल केयर विभागका प्रमुख प्रा. डा. आचार्यको जिवन्त अभिनय रहेको छ ।

डा आचार्यसँगै अभिनेत्री केकी अधिकारीको पनि उत्कृष्ट अभिनय म्युजिक भिडियोमा छ ।

गीतका लेखक तथा गायक डा राजवंशी विराट मेडिकल कलेजको आइसीयू विभागका प्रमुख हुनुहुन्छ ।

डा आचार्यको यो छैटौं म्युजिक भिडियो हो ।

यसअघि ’यो मन दिएँ’ गितको म्युजिक भिडियोमा डा आचार्यले अभिनय गर्नु भएको थियो ।।