बाघको आक्रमणबा दुई महिला घाईते
नवलपुर- पुर्वि नवलपुरको त्रिवेणी गाउँपालिकामा बाघको आक्रमणबाट दुई महिला घाइते भएका छन् । सोमबार दिउँसो विनयी त्रिवेणी गाउँपालिका वडा नम्बर १ सिसेनीकी ४० वर्षीया पिथिमा दर्लामी र सोही ठाउँकी कीर्तिमा दर्लामीलाई बाघले आक्रमण गरेको हो ।
भेडावन उपभोक्ता समितिको सामुदायिक बनमा घाँस काट्न जाने क्रममा बाघले आक्रमण गरी घाइते बनाएको नवलपुरका प्रहरी नायव उपरीक्षक वेदबहादुर पौडेलले जानकारी दिनुभयो ।
उहाँहरूलाई बाघले दाहिने हातको पाखुरा र दाहिने हिपमा नग्रांले चिथोरेको प्रवक्ता पौडेलले बताउनुभयो । घाइते दुवै महिलाको मध्यविन्दु नगरपालिकामा रहेको विश्व मेडिकलमा प्राथमिक उपचारपछि मध्यविन्दु जिल्ला अस्पताल पुर्याइएको थियो ।
घाइतेलाई जिल्ला अस्पतालले चितवन रिफर गरेको छ । अहिले उनीहरू दुबैको पुरानो मेडिकल कलेज चितवनमा उपचार भइरहेको छ ।
प्रतिक्रिया राख्नुहोस्