प्रधाममन्त्री-सभामुख भेट : संसदको अबरोध खुलाउने विषयमा छलफल

काठमाडौँ- प्रधानमन्त्री र सभामुखबीचको छलफल सकिएको छ । भेटमा सभामुखले सदन नचल्नु राम्रो नभएको बताउनुभएको थियो ।

सांसदहरुले बोल्न समय माग्नुभएको, प्राकृतिक विपत्ति लगायतका धेरै विषयमा बोल्न नपाइएको भन्दै सांसदहरुले गुनासो गरेको विषय पनि सभामुखले प्रधानमन्त्रीलाई जानकारी दिनुभएको थियो ।

उहाँले दलीय सहमतिबिना सदन अगाडि बढ्न सक्ने स्थिति नभएको भन्दै  आम जनताले पनि सदन अवरोधलाई राम्रो नमानेको उल्लेख गर्नुभयो।

कम्तिमा सदन खुलाउन सत्तापक्ष र प्रतिपक्षले गम्भीरतापूर्वक छलफल गरिदिन प्रधानमन्त्रीलाई सभामुखले आग्रह गर्नुभएको थियो ।

सभामुखले आफूले सहमतिका लागि जिम्मेवारीपूर्वक पहल गरेको जानकारी पनि प्रधानमन्त्रीले गराउनुभयो ।

छलफलमा प्रधानमन्त्रीले आफू सदन खुलाउन भूमिका खेल्ने प्रतिबद्दता व्यक्त गर्नुभयो ।  विपक्षी दलको नेतासँग छलफल गरेर छिट्टै निश्कर्षमा पुग्ने विश्वास प्रधानमन्त्रीले व्यक्त गर्नु भएको थियो ।।