संसद्को गतिरोध अन्त्यका लागि राष्ट्रपतिले सबै राजनीतिक दलका नेताहरुसँग छलफल गर्नुहुँदै
![](https://nepaltvonline.com/wp-content/uploads/2023/08/ramchandra1.jpg)
काठमाडौं- राष्ट्रपति रामचन्द्र पौडेलले आज सर्वदलीय बैठक बोलाउनुभएको छ । राष्ट्रपति पौडेलले अहिले बिहान साढे ८ बजे बैठक बोलाउनुभएको राष्ट्रपतिका प्रेस सल्लाहकार किरण पोखरेलले जानकारी दिनुभयो ।
बैठक राष्ट्रपति भवन शीतल निवासमा बस्नेछ । राष्ट्रपति निर्वाचित भएपछि पौडेलले सबै राजनीतिक दलका नेताहरूको पहिलो पटक बैठक राख्नुभएको हो ।
संसद्को जारी गतिरोध अन्त्य गर्न राष्ट्रपति पौडेलले संसद्मा प्रतिनिधित्व गर्ने सबै राजनीतिक दललाई शीतल निवास बोलाउनुभएको प्रेस सल्लाहकार पोखरेलको भनाइ छ ।
यसअघि राष्ट्रपति पौडेलले ठूला दलका शीर्ष नेतालाई शीतल निवास बोलाएर छलफल गर्नुभएको थियो ।
प्रतिक्रिया राख्नुहोस्