पाल्पाको जोर्तेमा जिप दुर्घटना, ६ जना घाइते

पाल्पा- पाल्पाको जोर्तेमा जिप दुर्घटना हुँदा ६ जना घाइते भएका छ्न् । बुटवलबाट दिगाम जाँदै गरेको बा१६ च ४३७३ नम्बरको स्कार्पियो जिप जोर्तेमा दुर्घटना भएको हो ।

उक्त जिपमा सवार घाइते ६ जनालाई उपचारका लागि लुम्बिनी मेडिकल कलेज प्रभास पठाइएको छ । घाइतेमध्ये २ जनाको अवस्था गम्भीर रहेको प्रहरीले जनाएको छ ।

उक्त दुर्घटना जोर्ते लुहुङ्ग खण्डमा भएको हो जिपको इन्जिन फेल भएर सडकदेखि करिब ५० मिटर तल खसेको जिल्ला प्रहरी कार्यालय पाल्पाका सूचना अधिकारी विरेन्द्र थापाले बताउनुभयो ।

सोही नजिकै केहिदिन अघि पनि जिप दुर्घटना हुँदा तीन जनाको घटनास्थलमै मृत्यु भएको थियो ।