बेलायतद्वारा वाग्नर समूहलाई आतंककारी समूहका रुपमा प्रतिबन्ध

संसारभर भाडाका सैनिक उपलब्ध गराउने वाग्नर समूहलाई बेलायतले आतंककारी समूहका रुपमा प्रतिबन्ध लगाउने तयारी गरेको छ ।

प्रतिबन्धपछि वाग्नर समूहमा सदस्य हुन वा सो समूहलाई समर्थन गर्न अवैध हुनेछ । संसदमा पेस भएको मस्यौदा प्रस्तावमा सो समूहको सम्पत्तिलाई आतंकवादी सम्पत्तिका रुपमा वर्गीकृत गर्दै जफत गर्न अनुमति दिनेछ ।

बेलायती गृहमन्त्रीले वाग्नर हिंसात्मक र विनासकारी समूह भएको बताउँदै रुसी राष्ट्रपति भ्लादिमिर पुटिनको सैन्य उपकरण रहेको बताउनु भयो । वाग्नर समूहले युक्रेन र अफ्रिकामा गरेको काम विश्व सुरक्षाकै खतरा भएको गृहमन्त्रीको भनाइ छ ।