बझाङमा जिप दुर्घटना : एक जनाको मृत्यु, पाँच जना घाइते

बझाङ-  बझाङमा जिप दुर्घटना हुँदा एक जनाको मृत्यु भएको छ भने ५ घाइते भएका छन ।

जिल्लाको छविस पाथिभेरा गाउँपालिका–७ खोरीस्थित कच्ची सडक खण्डमा जिप दुर्घटना हुँदा आज एक जनाको उपचारका लागि जिल्ला अस्पताल बझाङमा ल्याउदै गर्दा बाटोमै मृत्यु भएको डक्टर नवराज जोशीले जानकारी दिनुभयो .

बाँकी ५ जना मध्ये एक जनाको अवस्था गम्भीर रहेको पनि उहाँले बताउनुभयो ।

भाडे बजारबाट बुडखोरीतर्फ जाँदै गरेको सुदूरपश्चिम प्रदेश ०१००१ ज १२६६ नम्बरको जिप आज (शुक्रबार) बिहान ब्रेक फेल भएर सडकमा पल्टिएको जिल्ला प्रहरी कार्यालय बझाङले जनाएको छ।

जिपमा ८ जना सवार थिए।

ती मध्ये एक जनाको मृत्यु भएको छ भने पाँच जना घाइते भएको प्रहरीले जनाएको छ।

एक जनाको अवस्था गम्भीर रहेकाले धनगढी रिफर गरिएको जिल्ला अस्पताल बझाङले जनाएको छ।।