मुगु जीप दुर्घटनामा ८ जना घाईते

मुगु– सोरु गाँउपालिका ६ सोरुकोटबाट सदरमुकाम गमगढी तर्फ आउदै गरेको जीप दुर्घटना हुँदा ८ जना घाइते भएका छन् ।

शुक्रबार विहान सोरुकोटबाट गमगढीका लागी छुटेको लु १ ज ४८१० नम्बरको जीप विहान ८ बजे सोरुगाँउपालिका- ८ कच्चे भन्ने स्थानमा दुर्घटनामा परेको हो ।

दुर्घटनामा जिपमा सवार चालक सहित ८ जना घाईते भएको र घाईतेमध्ये चालकको टाउकोमा चोट लागेकाले गम्भिर अवस्था रहेको प्रहरी नायव उपरिक्षक विरेन्द्र थापाले जानकारी दिएका हुन ।

घाईतेहरुलाई जिल्ला अस्पताल मुगुमा उपचार भैरहेको छ । घटनास्थल जिल्ला सदरमुकाम गमगढीबाट उत्तर दक्षिण १९ किलोमिटर सडक दुरीमा रहेको छ ।

गम्भिर घाइते  चालक धनकर्ण मल्ललाई थप उपचारको लागि नेपालगन्ज रिफर गरिएको छ ।

घाइतेहुनेमा आशा शाही, बसन्ती शाही, प्रेमबहादुर मल्ल, लक्ष्मण शाही, एडिसन शाही र विवस शाही रहेका छन् ।