छिमेकीबाटै एकल महिलाको हत्या

सुनसरी-  सुनसरीको इटहरी- २ शान्तिनगरमा एकल महिलाको बिभत्स हत्या भएको छ ।

हत्यामा संलग्न स्थानीय सन्तोष राई पक्राउ परेका छन ।

घर पछाडिको गोठमा गोवर फाल्दै गरेकी एकल महिला ६८ वर्षीया मधेमाया पुरीलाई आइतबार दिउँसो ३ बजे स्थानीय युवा सन्तोष राईले खुकुरी प्रहार गरी हत्या गरेको इटहरी प्रहरीले जनाएको छ ।

खुकुरी प्रहारबाट गम्भिर बनेकी ६८ वर्षीया पुरीको घटनास्थलमै मृत्यु भएको स्थानीयले बताएका छन ।

घटनामा मृतककी बुहारी सरू पुरी घाइते बनेकी छिन ।

सासुलाई खुकुरी हानेको प्रत्यक्ष देखेपछि उनलाई पनि प्रहार गरिएको र पाखुरामा चोट लागेको स्थानीयले बताएका छन ।

घटना लगत्तै प्रहरीले हत्यामा संलग्न सन्तोष राईलाई पक्राउ गरी अनुसन्धान थालेको छ ।

घटना के कारणले भएको हो भन्ने बारे भने खुलेको छैन ।।