राष्ट्रपति पौडेलबाट प्रसिद्ध धार्मिक शक्तिपीठ कालिका मन्दिरमा पुजा

बागलुङ- राष्ट्रपति रामचन्द्र पौडेलले नेपालको प्रसिद्ध धार्मिक शक्तिपीठ कालिका भगवती मन्दिर बागलुङमा पुजा अर्चना गर्नुभएको छ ।

बागलुङ महोत्वसको अवसरमा बागलुङमा आउनुभएको राष्ट्रपति पौडेलले बागलुङ नगरपालिका १ मा अवस्थित धार्मिक शक्तिपिठ कालिका मन्दिरको दर्शन तथा बिशेष पुजा गर्नुभएको हाे ।

राष्ट्रपति पौडेल राष्ट्र प्रमुख भएपछि पहिलो पटक कालिका मन्दिरमा पुजा गर्नुभएको हो । कालिका मन्दिर धार्मिक पर्यटकीय गन्तव्यको रुपमा परिचित रहेको छ ।
पौडेललाई कालीका गुठी ब्यवस्थापन समितिको तर्फबाट स्वागत गरिएको थियो । कालीका भगवती मन्दिर दर्शन लगत्तै बागलुङ नगरपालिका ४ कुडुलेमा रहेको रङ्गबैकेटेश्वर मन्दिर शालग्राम संग्रहालय अवलोकन गर्नुभएकाे छ ।।