राष्ट्रिय सभा निर्वाचनमा लुम्बिनी काँग्रेसबाट १ सय २३ आकाङ्क्षी

दाङ- माघ ११ गते हुने राष्ट्रिय सभा निर्वाचनमा नेपाली कांग्रेसबाट लुम्बिनी प्रदेशमा एक सय २३ जना आकांक्षी देखिएका छन ।

जिल्लावाट भएको सिफारिसका आधारमा नामहरु प्रदेश कार्यसमितिमा आएको पार्टीका प्रवक्ता प्रचण्ड विक्रम न्यौपाने जानकारी दिनुभयाे ।

रुकुमपुर्व बाहेक अन्य जिल्लाबाट पूर्व संसाददेखी स्थानीयतहमा उम्मेदवार बनेका सम्मलाई जिल्ला कार्यसमितिले सिफारिस गरेका छन् ।

यसरी लुम्बिनी प्रदेशबाट आकांक्षा देखाउनेमा पूर्व उपसभामुख पुष्पा भुसाल, सार्वजनिक लेखा समिति पूर्व सभापति भरत शाहदेखी केन्द्रीय सदस्य गहेन्द्र गिरी, कृष्ण किशोर घिमेर लगायत रहनु भएको छ ।

यस्तै यसरी सिफारिस हुने शीर्ष प्युठानबाट डा.गोविन्द पोखरेल, गुल्मीबाट चन्द्र केसी लगायतका रहनु भएको छ । भुसाल अर्घाखाँचीमा टोपबहादुर रायमाझीसँग पराजित हुनु भएको थियाे । शाह रुपन्देही क्षेत्र नम्बर ५ मा एमालेका बाबुदेव घिमिरेसँग पराजित हुनु भएको थियाे ।

काँग्रेस लुम्बिनी प्रदेश कार्यसमितिको बैठकले जिल्लाबाट सिफारिस भई आएका उम्मेदवारको बारेमा कैफियत खुलाएर सबैको नाम केन्द्रमा पठाउने निर्णय गरेको छ ।सबैको विगत र हालको अवस्था, गतनिर्वाचनमा खेलेको भूमिका लगायत पृष्ठभूमि खुलाएर मात्रै नाम सिफारिस गरिने छ ।

लुम्बिनीमा फागुन २० गते एमाले तर्फबाट कुमार दसौदी र काङ्ग्रेसकी अनिता देवकोटाको पदावधि सकिँदै छ ।

पुस २३ गते राष्ट्रियसभा उम्मेदवारको मनोनयन दर्ता गर्ने निर्वाचन आयोगको कार्य तालिका छ ।

काँग्रेस लुम्बिनी सभापति अमरसिंह पुनको सकभर अवसर नपाएका, लामो समय पार्टीमा योगदान गरेका तथा सबै क्षेत्र मिलाएर जिल्लाबाट आएका नामहरूको केन्द्रमा पठाउने बताउनु भयाे ।।