राष्ट्रिय सभा निर्वाचन: माओवादी केन्द्रले टुंग्यायो उम्मेदवार (सूची सहित)

काठमाडौँ – राष्ट्रिय सभा सदस्य निर्वाचनका लागि नेकपा माओवादी केन्द्रले आफ्नो भागमा परेका छ वटा पदमा उठाउने उम्मेदवारहरुको नामावली टुंगो लगाएको छ ।

प्रधानमन्त्रीको सरकारी निवास बालुवाटारमा बसेको पार्टीका पदाधिकारीहरुको बैठकले ६ जना उम्मेदवारहरु टुंगो लगाएको हो ।

बैठकले चम्पादेवी कार्की, श्रीकृष्णप्रसाद अधिकारी, मनरूपा शर्मा सुवेदी, झक्कुप्रसाद सुवेदी, विष्णु विक र रेणु चन्दलाई उम्मेदवार बनाउने निर्णय गरेको छ ।

रिक्त हुने १९ सीटको लागि आगामी माघ ११ गते निर्वाचन हुँदै छ । निर्वाचनको भोलि उम्मेदवारी दर्ता कार्यक्रम राखिएको  छ । यसअघि आज विहान बसेको सत्ता गठबन्धन बैठकमा गठबन्धन भित्र रहेका दलहरु बीच भागबण्डाको सहमति जुटेको थियो । कुल १९ सिट मध्ये माओवादीले ६ सीट परेको छ ।

को कहाँ ?

• कोशी- चम्पादेवी कार्की
• वाग्मती- श्रीकृष्णप्रसाद अधिकारी
• गण्डकी- मनरूपा शर्मा सुवेदी
• लुम्बिनी- झक्कुप्रसाद सुवेदी
• कर्णाली- विष्णु विक
• सुदूरपश्चिम- रेणु चन्दलाई उम्मेदवार