उच्च अदालतका नवनियुक्त ३९ न्यायाधीशले लिए सपथ

काठमाडौँ – उच्च अदालतका नवनियुक्त ३९ जना  न्यायाधीशहरुले आज पद तथा गोपनियाताको सपथ लिनु भएको  छ ।

प्रधान न्यायाधीशको उपस्थितिमा उहाँहरुले उच्च अदालत पाटनका मुख्य न्यायाधीश समक्ष पद तथा गोपनियता सपथ लिनु भएको हो ।

गत पुस १९ गते बसेको न्याय परिषद परिषद्को बैठकले २६ जना जिल्ला न्यायाधीशबाट न्याय, कानुन र सरकारी वकिल समूहका सहसचिवबाट चार र कानुन व्यवसायीबाट नौ जनालाई उच्च न्यायाधीश नियुक्तीका लागि सिफारिस गरेको थियो ।