पत्रकार सम्मेलन गरी बमजन सार्वजनिक गर्ने सिआइबीकाे तयारी, आजै सर्लाही पठाइने

काठमाडाै- प्रहरीको केन्द्रीय अनुसन्धान ब्युरो (सिआइबी) ले तपश्वीको भेषमा विभिन्न आश्रममा अपराधको श्रृंखला चलाउँदै आएका रामबहादुर बमजनलाई सार्वजनिक गर्दैछ । हिजाे बेलुका बुढानिलकण्ठबाट पक्राउ भएका बमजनलाइ सार्वजनिक गरि सर्लाहीमा मुद्दा भएकाले आजै सर्लाही पठाउने प्रहरीको तयारी छ।
सिआइबीको टोलीले बमजनको घरबाट अहिलेसम्म तीन करोड ३ लाख रुपैयाँ बरामद गरेको छ। १५ वटा मोबाइल, तीनवटा ल्यापटप र ३५ वटा पेनड्राइभसमेत बरामद गरेको छ । उनीविरूद्ध आश्रममा बस्दै आएका तीन आनी र २ चेला गरि ४ जनालाई बेपत्ता पारेको, एकजनाको हत्या गरेको, एकजनालाई बलात्कार गरेको प्रहरीमा जाहेरी परेका छन्।बमजनका आश्रमबाट आनीहरू सर्लाहीकी रिता बोट, नुवोकोटकी कर्मा तामाङ र मकवानपुरकी फूलमाया रूम्बा बेपत्ता पारिएका छन्।

बमजनका दुई अनुयायी बाराका सुरेश आलेमगर र मकवानपुरका सञ्चमान वाइबा पनि उनको सिन्धुलीस्थित आश्रमबाट बेपत्ता छन्।