नेप्सेको कारोवार प्रणाली ३ दिन बन्द हुने

काठमाडौं – नेपाल स्टक एक्सचेन्जको कारोवार प्रणाली ३ दिन बन्द हुने भएको छ । विद्युतीय मर्मत सम्भार गर्नु पर्ने भएकाले तीन दिन कारोवार प्रणाली बन्द गर्न लागिएको हो ।

बिहीबार (पुस २६) बेलुका ५ बजेदेखि शनिबार (पुस २८) ११ बजेसम्म नेप्सेको कारोबार प्रणाली बन्द रहने नेप्सेले जनाएको छ ।

”विद्युत मर्मत तथा सम्भार सम्बन्धी कार्यका लागि मिति २०८०।०९।२६ गते बिहीबार साँझ ५:०० बजेदेखि मिति २०८०।०९।२८ शनिबार राती ११:०० बजेसम्म नेप्सेको कारोबार प्रणाली बन्द रहने व्यहोरा सम्बन्धित सबैको जानकारीका लागि अनुरोध छ । विद्युतीय प्रणाली अद्यावधिक गर्ने यस कार्यमा नेप्से यहाँहरु सबैको साथ र सहयोगको अपेक्षा गर्छ । असुविधाका लागि क्षमा प्रार्थी
छौ ।” नेप्सेको वेभसाइटमा राखिएको सूचनामा भनिएको छ ।