धादिङकाे चरौदीदेखी चितवन जाेड्ने सडक कालोपत्रेकाे अन्तिम चरणमा

धादिङ – कृषी सडकको रुपमा खोलीएको बेनीघाट रोराङ्ग गाउँपालीकाकाे चरौदीदेखी स्यादुलसम्म पुग्ने सडक कालोपत्रे गर्ने अन्तिम तयारीमा छ ।

सडक निर्माणकाे तीन दशकपछि दक्षिणी धादिङ स्थित चारौदीदेखी चितवनसम्म जाेडिने साे बाटाे कालो पत्रे गर्न लागिएकाे छ । बेनीघाट रोराङ्ग गाउँपालीकाको चरौदी हुदै चितवनको राप्ती नगरपालीका स्थित सोलाभाँजाबाट सो सडक भण्डारा जोडिने छ ।
चितवनको राप्ती नगरपालिका स्थित वडा नम्वर १३ सम्म जोडीएको हो ।
पृथ्वी राजमार्गको चरौदीदेखी १६ किलो मिटर दुरीको सो कृषी सडक पुर्वी नेपालको तराईलाई जोड्ने बैकल्पिक मार्गको रुपमा समेत खोलिएको हो ।
सडकको पहिलो चरणमा चरौदीदेखी आठ किलो मिटर धुषासम्म कालो पत्रे गरिने छ भने बाँकी दोस्रो चरणमा कालो पत्रे गरिने छ ।

सडक कालो पत्रेका लागी नाला निर्माण गर्ने र वेसा राख्ने काम सकिएको छ भने अबको केही दिनमा कालो पत्रे गर्ने तयारी गई रहेको छ ।।
सडकको स्तराेन्नतिसंगै सो क्षेत्रका स्थानिय निकै खुसी भएका छन् । तरकारी र फलफुल उत्पादनका लागी निकै राम्रो मानिएको धुषा र स्यादुलका किसानहरुले अब हरेक सिजनमा तरकारी विक्रिका लागी सहजै बजार लग्न सकिने मात्रै नभई सो क्षेत्रमा विकास निर्माणसमेत सहज हुने जनप्रतिनिधिहरुको भनाई छ ।
सडक डिभिजन कार्याल नुवाकोटले २९ करोडको लागतमा आठ किलो मिटर स्तरउन्नतीको लागी काम सुरु गरेको हो । सो सडक निर्वाचन क्षेत्र रणनीतक सडक अन्तरगत स्तरउन्नतीको काम सुरु गरेको हो ।।