चौरजहारीमा ईलाका प्रशासन कार्यालय स्थापना
रुकुम पश्चिम- चौरजहारीमा आज ईलाका प्रशासन कार्यालय स्थापना गरिएको छ । चौरजहारी नगरपालिका वडानम्बर -२, स्थित यातायात कार्यालय नजिकै इलाका प्रशासन कार्यालय स्थापना गरिएको हो ।
प्रमुख जिल्ला अधिकारी हरि प्रसाद पन्तले जिल्ला प्रशासनबाट प्रवाह भैरहेको सेवालाई विकेन्द्रीकरण गरि जनताको घरदैलो नजिक पुगेर सेवा पुर्याउने उद्देश्यले इलाका प्रशासन कार्यालय चौरजहारी स्थापन गरिएको बताउनुभयो ।
एक औपचारिक कार्यक्रमको आयोजना गरि विधिवत रुपमा स्थापना गरिएको इलाका कार्यालयमा कर्मचारीहरुको पदपूर्ति र कार्यालयको पूर्वाधार तयारीको कार्यपश्चात मात्रै सेवा प्रवाह हुने बताइएको छ ।
प्रतिक्रिया राख्नुहोस्