दाङमा भन्सार छलेर भित्र्याइएको एक ट्रक प्याज बरामद

दाङ- देउखुरीमा भन्सार छरेर भित्र्याइएको आठ हजार किलो प्याज सशस्त्र प्रहरीले बरामद गरेको छ । सशस्त्र प्रहरी बल नेपाल नं. २९ गण हेक्डक्वाटर ज्वालामाई गण भालुबाङले पाँच लाख ५२ हजार मुल्य बराबरको प्याज र एउटा ट्रक बरामद गरेको एसपी गोपालप्रसाद श्रेष्ठले जानकारी दिनुभयो ।

शितगंगा नगरपालिका–८ सातमारामा कपिलवस्तुबाट घोराही तर्फ जाँदै गरेको रा २ ख ५३६ नम्बरको ट्रक र त्यसमा रहेको प्याज आज बिहान बरामद गरेको थियो ।

अवैध रुपमा ट्रकले प्याज ल्याउदै गरेको गोप्य सूचनाको आधारमा जाँचमा एसपी श्रेष्ठको कमाण्डमा खटिएको टोलीले उक्त ट्रक र प्याज बरामद गरेको हो ।

बरामद भएको प्याज र ट्रकलाई आवश्यक कारबाहीको लागी राजश्व अनुसन्धान कार्यालय बुटवलमा पठाईएको छ । नक्कली विलबिजग बनाएर प्याज ल्याइको देखिएको छ ।

राजमार्गमा हुने सवारी दुर्घटनामा छिटो उद्धारमा खटिन र अवैध चोरी निकासी नियन्त्रणका लागी सशस्त्र प्रहरीले ध्यान दिंदै आएको छ ।