विमानस्थल सुरक्षा प्रमुख चन्दद्वारा राजीनामा

काठमाडौँ– त्रिभुवन अन्तर्राष्ट्रिय विमानस्थल सुरक्षा कार्यालयका प्रमुख तथा प्रहरी नायब महानिरीक्षक अर्जुन चन्दले पदबाट राजीनामा दिनुभएको छ ।

व्यक्तिगत कारणले आफूले राजीनामा दिएको प्रहरी नायब महानिरीक्षक चन्दले  जानकारी दिनुभएको छ । उहाँले भन्नुभयो, “मैले मेरो व्यक्तिगत कारणले शुक्रबार राजीनामा दिएको छु, बाँकी अहिले म केही भन्दिनँ ।”

चन्दको उमेर हदको सेवाअवधि आगामी २०८१ चैत मसान्तसम्म रहेको थियो ।

विमानस्थलमा खटिएका प्रहरी अधिकारी र अध्यागनमा कार्मचारीबीच तनाव सृजना भएको कहि दिनपछि विमान स्थलका सुरक्षा प्रमुखले दिएको राजीनामा लिएर धेरै अडकल र चासो ब्यक्त भएका छन् ।

प्रहरी र अध्यागमन कर्मचारी बीचको उक्त घटना  छानबिन गर्न गृहमन्त्रालयले गठन गरेको समितिले  गत बुधबार मात्रै उपप्रधान तथा गृहमन्त्री नारायणकाजी श्रेष्ठलाई  प्रतिवेदन बुझाएको थियो।