२० वर्षदेखि कोठामा थुनिएका मङ्गलबाबुको उद्धार
गोरखा- २० वर्षदेखि कोठामा थुनिएका गोरखा नगरपालिका-५ नाङलेपानीका मंङ्गलबाबु सिर्मलको उद्धार गरिएको छ ।
गोरखा नगरपालिकाको समन्वयमा आइतबार मानव सेवा आश्रमले सिर्मलको उद्धार गरेको हो ।
उनको मानव सेवा आश्रमको कास्कीस्थित हेम्जा शाखामा राखेर उपचार हुने मानव सेवा आश्रमकी ब्यवस्थापक मुना लामाले जानकारी दिइन् ।
मनोचिकित्सकको प्रत्यक्ष रेखदेखमा उनको उपचार हुने लामाको भनाइ छ ।
बाहिर हिँडडुल गर्न नदिनका लागि मङ्गललाई थुनेर राखिएको कोठाको काठे ढोका बाहिर रेलिङसहितको अर्को फलामे ढोका जडान गरिएको थियो ।
कष्टकर अवस्थामा रहेका सिर्मलको उद्धार गरि उपचारका लागि पोखरा लगिएको हो ।
सिर्मलले २०५६ सालमा प्रवेशिका परीक्षा उत्तिर्ण गरेका थिए ।
२०५८ सालबाट उनमा मानसिक समस्या देखिएको उनकी आमा फिस्टी सिर्मलले बताइन् ।
झारफुकसहित विभिन्न अस्पताल पुर्याएर उपचार गराएपनि स्वास्थ्यमा सुधार हुन नसकेको फिस्टीले भनाइ थियो ।
छोरा मङ्गलको उपचारमा लाखौँ रकम खर्च भइसकेको आमा फिस्टीले जानकारी दिइन।
पाटन अस्पताल, अल्का अस्पताल, भरतपुर अस्पतालमा पटक-पटक पुर्याउँदा पनि स्वाथ्यमा सुधार नदेखिएपछि परिवारका सदस्य चिन्तित थिए ।
उनको स्वास्थ्य अवस्थावारे वुझेपछि गोरखा नगरपालिकाकी उपप्रमुख मसली मायाँ थोकर लगायतले उद्धारको लागि पहल गरेका थिए ।
आइतबार उपप्रमुख थोकर, मानसेवा आश्रमकी अभियन्ता मुना लामा लगायतका टोली मङ्गलबाबुको उद्धारका लागि गोरखाको नाङ्लेपानी पुगेका थिए ।।
प्रतिक्रिया राख्नुहोस्